近日热播中的宫廷剧《廷嬉玫略》大受好评，当中饰演“娴妃”一角的佘诗曼（阿佘）将会变得心狠手辣，愈嚟愈奸，绝对系演技大爆发，令唔少粉丝都话好期待，仲话愈奸愈锺意，人气再度急升！近日佢就上咗内地节目《熟悉的味道3》做嘉宾，当中佢仲即席做戏，亦大显身手，展示佢高超嘅厨艺，难怪大家都一直赞佢入得厨房，出得厅堂嘅女强人！

片中问到阿佘平时喺内地拍摄嘅时候，系讲普通话定点？阿佘就话：“我不想影响我的戏，就会讲广东话，但对白最后一句就讲普通话，让对方可以接下去。”佢仲即场同节目主人孙坚嚟个对手戏，示范平时嘅做法，其实都系几句戏，但阿佘嘅眼神同对话已经瞬间入戏，呢啲就系经验累积番嚟喇！其实阿佘喺内地拍戏可以照讲广东话，但佢咁做全因惊对方听唔明：“我害怕对方听不懂，不知道我说完了没有。”果然系一个好贴心嘅行为呀！

之后，阿佘仲大显身手，亲自炮制避风塘炒虾，你估咁易做呀！不过见到阿佘整得有板有眼，由整理材料，到煮嘅过程，都非常熟手，曾经喺煮食节目拎过冠军，果然系唔同啲!好多网民都话希望试吓阿佘嘅手势，仲话佢不论做戏定煮餸都系咁认真，真系好令人敬佩呀！