现年44岁嘅蒙嘉慧（YoYo）喺2013年下嫁郑伊健，同年约满TVB后，专注家庭生活，甚少喺幕前出现。YoYo两公婆出名热爱运动，平日佢哋会行山、打羽毛球，有时亦去旅行过二人世界，并乐于喺社交网分享日常生活，同粉丝亲民互动。

人妻生活过得好疏乎嘅YoYo，2016年拍摄电台处境剧时，被发现身形发福，随即传出有喜。事后佢解释胃口太好，因而肥咗廿磅，高峰时期有130磅体重。后来佢积极做运动减磅，去年出席颁奖礼活动时已经清减了不少，回复昔日身形。